Սերգեյ Լավրովի այցը Երևան․ Ռուսաստանի ԱԳ նախարարին հանձնվեց` Կոմանդանտ Զադիգ (Զատիկ) Խանզադիան «Հայաստանի պատմական քարտեզագրության ատլաս»-ը։ (տեսանյութ)

2025 թվականի մայիսի 21-ին Ռուսաստանի արտգործնախարար Սերգեյ Լավրովը պաշտոնական այցով գտնվում էր Երևանում՝ Հայաստանի արտաքին գործերի նախարար Արարատ Միրզոյանի հրավերով։ Այցի շրջանակներում նա այցելեց Հայ-Ռուսական համալսարան հանդիպելու ուսանողների և դասախոսների հետ։

Հանդիպման ընթացքում համալսարանը Սերգեյ Լավրովին ներկայացրեց՝ Կոմանդանտ Զադիգ (Զատիկ) Խանզադիանի «Հայաստանի պատմական քարտեզագրության ատլաս»-ը, ի նշան հարգանքի և բարեկամության։

Ատլասը ձևով և բովանդակային լուծումներով բացառիկ ուսումնասիրություն է: Հեղինակը նպատակ է հետապնդել քարտեզների միջոցով ներկայացնել պատմական ժամանակաշրջանների հերթափոխը, անցյալի իրադարձությունների արդյունքում ձևավորված տարածական փոփոխությունները և լուսաբանել հնագույն ժողովուրդներից մեկի՝ հայերի և նրանց հայրենիք Հայաստան երկրի բազմադարյան պատմությունը:

Ատլասը հրատարակվել է՝ Հայաստանի Թեքեյան մշակութային միության և «ՌՈՒՑՈԳ ԻՆՎԵՍՏ» (Rutsog Invest) հոլդինգի նախագահ, բարերար Ռուբեն Գրիգորյանի մեկենասությամբ և նախաձեռնությամբ։

Սերգեյ Լավրովը շնորհակալություն հայտնեց նվերի համար և ընդգծեց Ռուսաստանի պատրաստակամությունը շարունակելու և խորացնելու ռազմավարական գործընկերությունը Հայաստանի հետ։ Նա նշեց, որ երկու երկրների միջև դարավոր բարեկամությունը հանդիսանում է տարածաշրջանում կայունության և անվտանգության կարևոր երաշխիք։