Սրբազան Հայր, այսօր նեղության և անձկության մեջ եք միայն նրա համար, որ ճշմարտության առաջամարտիկ եք. Աստծու ամեն օր կաղոթեմ այն բաղձալի օրվա համար, որ դարձյալ մեզ հետ կլինեք ֆիզիկապես. Տեր Վարազդատ քահանա Նաջարյան

Միքայել Սրբազանն այն բացառիկ Առաջնորդ հոգևորականներից է, որը գյուղից գյուղ, Եկեղեցուց Եկեղեցի, համայնքից համայնք ժողովրդի մեջ է մտել և իր հայրական թևերի տակ առել իր ժողովրդին, այսպես է Շիրակի թեմի առաջնրոդ Միքայել արքեպիսկոպոս Աջապահյանին նկարագրել Տեր Վարազդատ քահանա Նաջարյանը։

Տեր Վարազդատը Միքայել Սրբազանի մասին հետաքրքիր պատմությունով է կիսվել։

«Միքայել Սրբազանին, որպես ուսուցիչ և օրինակ միշտ եմ ունեցել, ճեմարանական ուսանողության տարիներին ինձ միշտ գրավել է Սրբազան Հոր խարիզման, աներևակայելի և գեղեցիկ հումորի զգացողությունը, առհասարակ իր անձն ամբողջությամբ հետաքրքրել է ինձ, բայց ի մոտո շփման շատ առիթներ չեմ ունեցել (հաշվի առնելով նաև տարիքային տարբերությունը): Բայց փառք Տիրոջը այն օրվա համար, որ առիթ ընձեռնվեց գրեթե մեկ ամբողջական օր վայելելու մտքի և իմացության գիգանտին (բառի բուն և լայն իմաստով), ազգասեր, մարդասեր, հայրենասեր, Եկեղեցասեր, Աստվածասեր և անչափելի պարկեշտ Հոգևոր Առաջնորդին, ընկերասիրության մեջ աներևակայելի հավատարիմ տեսակին:

Սրբազանը երեկոյան հրավիրեց մեզ ընթրիքի, յընթացս իմացանք, որ միայն մենք չենք լինելու այնտեղ: Եկավ սպասված ընթրիքի ժամը և մենք սպասված տեղում էինք: Պարզվեց, որ այնտեղ էին իր դասընկերները, որոնց հետ կորոնավիրուսի պատճառով մեկ տարուց ավելի առիթ չէր եղել շփվել և համախմբվել տոնական սեղանի շուրջ: Ամբողջ երեկոյի ընթացքում ես հիացմունքով նայում էի, թե Առաջնորդ Հայրը, ոնց է շփվում իր ընկերների հետ, ինչ հիշողություններով են կիսվում իրար հետ, ինչպիսի հարգանք ու սեր կա մեկը մյուսի հանդեպ, ինչպիսի հումորներ են անում և երգեր երգում (հիշելով իրենց պատանեկությունը): Հերթը հասավ մեզ ներկայացնելուն և իրեն հատուկ հումորով ասաց ընկերներին` գյումրեցու բարբառով. «Դուք չբադգերացնեք, թե պատահագան մարդիք են այսդեղ նսդաձ», և շատ պատկառանքով մեր զինվորական ծառայության նկատմամբ, հիացմունքով ներկայացնում էր, թե մեզանից ով ի՞նչպես է դրսևորել իրեն ծառայության ընթացքում: Ես պարզապես չէի ուզում այդ երեկոն ունենար ավարտ, անդադար կարելի էր լսել Միքայել Սրբազանին, անդադար վայելել Իր մեծատառով ՄԱՐԴ ԵՎ ՀՈԳԵՎՈՐԱԿԱՆ տեսակը: Այն բացառիկ Առաջնորդ հոգևորականներից է Սրբազանը, որը գյուղից գյուղ, Եկեղեցուց Եկեղեցի, համայնքից համայնք ժողովրդի մեջ է մտել և Իր հայրական թևերի տակ առել իր ժողովրդին:

Սրբազա´ն Հայր, Փա՜ռք Տիրոջը, որ Աստված տվել է մեզ ՁԵԶ, փա՜ռք Տիրոջը ՁԵՐ օրինակելի հոգևորական տեսակի համար, Փա՜ռք Տիրոջը այն երջանիկ մեկ օրվա համար, որը լիարժեք կերպով բավարար էր ինձ` Ձեզ սիրելու և Ձեզ համար հարամնա աղոթելու համար: Մեր Տերն ասում է «Երանի նրանց ովքեր Իմ անվան համար կհալածվեն» (Մատթեոս 5:10-12): Դուք այսօր նեղության և անձկության մեջ եք միայն նրա համար, որովհետև ՃՇՄԱՐՏՈւԹՅԱՆ ԱՌԱՋԱՄԱՐՏԻԿ եք: Եվ ես խոսք եմ տալիս, որ Աստծու ամեն օր կաղոթեմ այն բաղձալի և սպասված օրվա համար, որ Դուք դարձյալ մեզ հետ կլինեք ֆիզիկապես և մենք կվայելենք մեր սիրելի ՈւՍՈւՑՉԻ ՀԱՄՆ Ու ՀՈՏԸ:

ԱՍՏՎԱԾ ՁԵԶ ՕԳՆԱԿԱՆ ՍՐԲԱԶԱՆ ՀԱՅՐ»,- նշել է Տեր Վարազդատ քահանա Նաջարյանը։

www.aysor.am