27-01-2023 | 15:35
850
Կարբիի Վ. Թեքեյանի անվան միջնակարգ դպրոցում ավանդույթ է դարձել հունվարի 21-ից 28-ն անցկացնել թեքեյանական շաբաթ: Տարեդարձը հոբելյանական է. հասարակական-քաղաքական գործիչ, սփյուռքահայ գրականության «Հայ բանաստեղծության իշխանը» խորագրով միջոցառումը նվիրված էր Վահան Թեքեյանի ծննդյան 145-ամյակին:
Միջոցառումների շարքն իմաստավորվեց դպրոցում` ցերեկույթներ անցկացնելով, պաստառներ եւ պատի թերթեր պատրաստելով: Թեքեյան դպրոցի աշակերտներն ու ուսուցիչները ծաղիկներ խոնարհեցին դպրոցի բակում տեղադրված մեծ երախտավորի արձանի պատվանդանին` ակնածանքով եւ խորին երախտագիտությամբ: Այն ուղեկցվեց Թեքեյանի ժողովածուներից ընթերցումներով եւ գեղեցիկ ասմունքով: Միջոցառումները շարունակվեցին նաեւ Արագածոտնի մարզային` Վարդգես Պետրոսյանի անվան գրադարանում:
Կարբիի Թեքեյան դպրոցի 11բ դասարանի աշակերտները հաստատության տնօրեն տ. Ժաննա Ավետիսյանի, հայոց լեզվի եւ գրականության ուսուցչուհի տ. Գայանե Օհանյանի, Կարբի համայնքի մշակույթի տան պատասխանատու, գրադարանավարուհի տ. Վառվառա Եսայանի ուղեկցությամբ եւ անմիջական մասնակցությամբ գրքատանն անցկացրին գեղեցիկ միջոցառում` ասմունքելով բանաստեղծություններ, մեջբերելով բանաստեղծի կարեւորագույն մտքեր, վկայակոչելով հոբելյարի կյանքի կարեւորագույն փաստեր ու գործունեության հիշարժան դրվագներ: Միջոցառման մեկնարկը տվեց գրքատան միջոցառումների կազմակերպիչ տ. Անահիտ Ասատրյանը` ներկայացնելով Վ. Թեքեյանի կյանքն ու գործունեությունը:
Այլ հյուրերից բացի միջոցառմանը ներկա էին Թեքեյան կենտրոնից` Ա. Ծուլիկյանը եւ Ս.Խաչատրյանը:
Միջոցառման ավարտին շնորհակալական խոսքով հանդես եկան գրքատան տնօրեն Լուսինե Կիրակոսյանը եւ Կարբիի դպրոցի տնօրեն՝ ժաննա Ավետիսյանը:
Azg.am
Լրահոս
12-06-2025 | 14:34
12-06-2025 | 14:30
12-06-2025 | 13:48
12-06-2025 | 12:54
12-06-2025 | 12:49
12-06-2025 | 12:46
12-06-2025 | 12:44
12-06-2025 | 12:20
11-06-2025 | 14:45
11-06-2025 | 14:43
11-06-2025 | 14:39
11-06-2025 | 14:37
11-06-2025 | 14:33
11-06-2025 | 14:28
11-06-2025 | 14:27
Մուտք / Գրանցում
Մենյու
12-06-2025
