Թրամփը հաջորդ շաբաթ կարող է հանդիպել Զելենսկու հետ ԱՄՆ-ում

ԱՄՆ նախկին նախագահ, Հանրապետական կուսակցությունից նախագահի թեկնածու Դոնալդ Թրամփը չորեքշաբթի հայտնել է, որ հաջորդ շաբաթ կարող է հանդիպել Ուկրաինայի նախագահ Վլադիմիր Զելենսկու հետ նրա Միացյալ Նահանգներ կատարելիք այցի ժամանակ։

«Հավանաբար այո»,- Թրամփին մեջբերել է Reuters գործակալությունը։ Նախագահի թեկնածուն չի նշել, թե երբ եւ որտեղ է տեղի ունենալու իր հանդիպումը Զելենսկու հետ։

Մինչ այդ Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին չէր կարողացել հաստատել ԱՄՆ նախագահ Ջո Բայդենի հետ Զելենսկու հանդիպման մասին ՄԱԿ Գերագույն վեհաժողովի բարձր մակարդակով շաբաթվա շրջանակում, որը տեղի է ունենալու սեպտեմբերի 24-30-ին։