Թրամփը հայտարարել է, որ շարունակում է գլուխ հանել Բայդենի թողած խառնաշփոթից

ԱՄՆ նախագահ Դոնալդ Թրամփը հայտարարել է, որ ինքը դեռ ստիպված է զբաղվել իր նախորդ Ջո Բայդենի թողած խառնաշփոթով և նախկին վարչակազմի ստեղծած խնդիրներով։ Այս հայտարարությունը նա արել է շաբաթ օրը Պահպանողական քաղաքական գործողությունների համաժողովում ունեցած ելույթի ժամանակ։

«Ջո [Բայդենը] բոլորից ամենավատն էր,- ասել է նա:- Եվ հավատացեք, ես հարկադրված եմ կարգուկանոն հաստատել։ Ես մաքրում եմ այս թափթփվածությունը, սահմանների, արժեզրկման հետ կապված խառնաշփոթը։ Յուրաքանչյուր բան, որին նա կպել է, թրիքի է վերածվել», - հավելել է Թրամփը:

«Այդպե՞ս չէ։ Բացարձակապես ամեն ինչ, դա ճշմարիտ է: Դա ճշմարտություն է, - ավելացրել է ԱՄՆ նախագահը ամբոխի ծիծաղի ներքո։- Դա իսկապես սարսափելի բառ է, գիտեք, բայց դա ամենահարմար բառն է, որը ես կարող էի օգտագործել նկարագրության համար», - պաշտպանել է նա իր հռետորաբանությունը:

«Ուրիշ ի՞նչ բառ կարող էի օգտագործել։ Դա այդպես է, և մենք նույնպես պետք է անկեղծ լինենք։ Այնպես որ, հասկացեք»,- ասել է Թրամփը։

www.news.am

Լրահոս