15-12-2025 | 19:41
ԱՄՆ նախագահ Դոնալդ Թրամփը պաշտոնապես ընդունել է Մեծ Բրիտանիայի թագավոր Չարլզ 3-րդի հրավերը՝ աննախադեպ երկրորդ պետական այց կատարելու Միացյալ Թագավարություն: Այս մասին հաղորդում է BBC-ն՝ վկայակոչելով Բուքինգհեմյան պալատի հաղորդագրությունը:
Այցը տեղի կունենա սեպտեմբերի 17-19-ը: ԱՄՆ նախագահին կուղեկցի առաջին տիկին Մելանյա Թրամփը: Նրանց կընդունեն Վինձորի ամրոցում, քանի որ Բուքինգհեմյան պալատում վերանորոգման աշխատանքներ են:
Թրամփն առաջին անգամ պետական այցով Մեծ Բրիտանիայում եղել է իր առաջին նախագահության ընթացքում՝ 2019 թվականին, երբ նրան ընդունել էր Մեծ Բրիտանիայի թագուհի Եղիսաբեթ 2-րդը:
BBC-ն հայտնում է, որ որպես կանոն երկրորդ ժամկետում նախագահներին պետական այցով Բրիտանիա չեն հրավիրում. նրանք ներկա են գտնվում միապետի հետ ճաշկերույթի կամ թեյախմության:
www.aysor.am