Թրամփն ու ԵՄ-ը Զելենսկուն «մեսիջներ են ուղարկել»

ԱՄՆ նորընտիր նախագահ Դոնալդ Թրամփը «մեսիջ է ուղարկել» Ուկրաինայի առաջնորդ Վլադիմիր Զելենսկիին՝ մտածել հրադադարի մասին և հրաժարվել Ռուսաստանի կողմից գրավված բոլոր տարածքներից. գրում է El Pais-ը։

Հաղորդվում է, որ այս «մեսիջն» ուղարկվել է այն ժամանակ, երբ եվրոպական մայրաքաղաքները քննարկում են պատերազմի ավարտի այլ տարբերակներ, մասնավորապես՝ խաղաղապահ ուժերի ներդրում, արևմտյան զենքի մատակարարման ավելացում, ԱՄՆ և եվրոպական երկրներից պաշտպանական վահան՝ Ուկրաինայի համար։

«Պատերազմը կավարտվի բանակցությունների սեղանի շուրջ, միգուցե ավելի շուտ, քան սպասվում էր: Եվրոպան պետք է պատրաստվի դրան և հավակնի տեղ ունենալ բանակցությունների սեղանի շուրջ», – ասել է եվրոպական բարձրաստիճան աղբյուրը:

Կիևին և եվրոպական մայրաքաղաքներին անհանգստացնող գլխավոր ռիսկերից մեկը համաձայնության հնարավոր ձեռքբերումն է, որը գրավյալ տարածքները կթողնի սառեցված հակամարտության կարգավիճակում։ ԵՄ բարձրաստիճան աղբյուրը շեշտել է, որ «անվտանգության երաշխիքներ են անհրաժեշտ ոչ միայն Ուկրաինային՝ ընդունելու այս համաձայնագիրը, այլև ապահովելու այդ երկրի գոյատևումը՝ որպես անկախ պետություն»:

www.azg.am

Լրահոս