Մուտք / Գրանցում
Մենյու
04-06-2023 | 11:51
Մոտ 20 երկրի հետախուզության ղեկավարները գաղտնի հանդիպում են անցկացրել Սինգապուրում
ՀԱՅԱՍՏԱՆԻ ԹԵՔԵՅԱՆ ՄՇԱԿՈՒԹԱՅԻՆ ՄԻՈՒԹՅՈՒՆ
14-03-2023 | 18:25
1164
Այսօր, մարտի 14-ին, Արգենտինայի մայրաքաղաք Բուենոս Այրեսի Արմենիա պողոտայի վրա գտնվող Թեքեյան մշակութային միության կենտրոնատեղին կրկին կբացի իր դարպասները արգենտինահայ մշակութասեր համայնքի առջեւ, շուրջ երկու տարի տեւած վերանորոգումից հետո։ Վերանորոգման աշխատանքներն սկսվել էին քովիդի համաճարակի բռնկումից անմիջապես հետո, կենտրոնի պարտադիր փակումի եւ ազգային-մշակութային գործունեության ակամա դադարի ընթացքում։
Արգենտինահայ համայնքի համար նշանակալից այդ իրադարձությունը տեղի է ունենալու հանդիսավոր պայմաններում, որին կմասնակցեն քաղաքապետական իշխանությունների ներկայացուցիչներից բացի ազգային-եկեղեցական մարմիններ եւ Կենտրոնի սրահներին սովոր երիտասարդներ ու նրանց ծնողներ։ Հանդիսությանը մասնակցելու համար արդեն Բուենոս Այրես են ժամանել տարբեր հայ գաղութներից ԹՄՄական ներկայացուցիչներ՝ գլխավորությամբ ԹՄՄ Մ. Նահանգների եւ Կանադայի Կենտր. վարչության ատենապետ, ՌԱԿ հանրահայտ գործիչ եւ հրապարակագիր Երվանդ Ազատյանի։ Վերջինս Արգենտինայի մայրաքաղաք է ժամանել մի քանի օր առաջ։ Շրջելով վերանորոգված շենքը, Եր. Ազատյանն իր գոհունակությունն է հայտնել հայթայթված գումարների նպատակային օգտագործման համար, հիշել՝ որ 46 տարի առաջ ինքը, մեծ բարերար Ալեք Մանուկյանի հետ եղել է նույն շենքի բացման արարողությանը, որով, ինչպես հարեւանությամբ գտնվող ՀԲԸՄիության կենտրոնի բացումով, սկիզբ էր դրվել արգենտինահայության ազգային կյանքի վերածննդին։
Ե. Ազատյանը, ուղեկցությամբ Հարավային Ամերիկայի ՌԱԿ վարչության ատենապետ եւ «Սարդարապատ» թերթի խմբագրապետ Սերխիո Նահապետյանի, այցելել է նույն շենքում գտնվող խմբագրատուն, թերթել «Սարդարապատի» հավաքածոների էջերը, հիշել Սերխիո Նահապետյանի հայրիկին՝ ՌԱԿ անմոռանալի ղեկավար Նահապետ Նահապետյանին։
Եր. Ազատյանը ուղեկիցների հետ այցելել է նաեւ հարեւանությամբ գտնվող ՀԲԸՄիության կենտրոն, որտեղ նրանց հյուրասիրել են ՀԲԸՄ Ալեք Մանուկյան վարժարանի ավարտական դասարանի սաները, որոնք շարունակում են ավելի քան 40 տարվա ավանդույթը՝ ուրբաթ եւ շաբաթ օրերին ճաշ մատուցել այցելուներին եւ տարվա ընթացքում մատուցված ճաշի դիմաց գանձված գումարով խմբային այցելություն կատարել Մայր հայրենիք Հայաստան, ավելի եւս տոգորվելով հայկականությամբ։
Բուենոս Այրեսի ՌԱԿ եւ ԹՄՄ շրջանակներին, ինչպես նաեւ ողջ արգենտինահայությանը շնորհավորելով հայապահպանության կարեւոր այդ ամրոցի վերաբացման առթիվ՝ նորանոր հաջողություններ ենք մաղթում ԹՄՄ եւ ՌԱԿ արգենտինահայ շրջանակներին։
Լրահոս
04-06-2023 | 11:51
04-06-2023 | 11:24
04-06-2023 | 11:23
04-06-2023 | 11:21
04-06-2023 | 11:20
03-06-2023 | 22:53
03-06-2023 | 19:47
03-06-2023 | 19:26
03-06-2023 | 19:25
03-06-2023 | 18:30
03-06-2023 | 18:28
03-06-2023 | 17:14
03-06-2023 | 16:38
03-06-2023 | 16:36
03-06-2023 | 16:35
«Երկխոսություն Շանգրի Լա» անվտանգության ֆորումին զուգահեռ Սինգապուրում տեղի է ունեցել մոտ 20 երկրի հետախուզության բարձրաստիճան պաշտոնյաների գաղտնի հանդիպում:
Չինաստանի իշխանությունները ձգտում են երկրի մայրցամաքայի հատվածի խաղաղ վերամիավորմանը Թայվանի հետ, սակայն միաժամանակ չեն բացառում անհրաժեշտության դեպքում ուժի կիրառումը։
Անկարայում կարճ զրույց են ունեցել ՀՀ վարչապետ Նիկոլ Փաշինյանը և Թուրքիայի վերընտրված նախագահ Ռեջեփ Թայիփ Էրդողանը։
Փրկարարական աշխատանքների ավարտից հետո Հնդկաստանի իշխանությունները սկսել են տարածքը մաքրել երկու մարդատար գնացքների ծռմռված բեկորներից, որոնք երկրի արևելքում դուրս էին եկել ռելսերից:
Թուրքիայի պաշտպանության նոր նախարար է նշանակվել Յաշար Գյուլերը, որ մինչ այդ զբաղեցնում էր ԶՈւ ԳՇ պետի պաշտոնը:
Ռուսական խաղաղապահ զորախմբի կողմից Լեռնային Ղարաբաղում, Մարտակերտի շրջանում հրադադարի ռեժիմի խախտման դեպք է արձանագրվել, տեղեկացնում է ՌԴ պաշտպանության նախարարությունը։
Կուբայի Հանրապետության նախկին նախագահ Ռաուլ Կաստրոն ՌԴ Անվտանգության խորհրդի փոխնախագահ Դմիտրի Մեդվեդևի հետ զրույցում լիակատար աջակցություն է հայտնել Մոսկվային Ուկրաինայում տիրող իրավիճակի վերաբերյալ։
Ռուսաստանի նախագահ Վլադիմիր Պուտինը ստորագրել է Ղրղզստանի հետ հակաօդային պաշտպանության միասնական համակարգ ստեղծելու համաձայնագիրը։ Այս մասին տեղեկացնում է РБК լրատվականը։
04-06-2023
