Վերջին երեք ամիսները կարելի է համարել հայ-ադրբեջանական հարաբերությունների պատմության ամենահանգիստ շրջանը երկու երկրների անկախացումից ի վեր. Հաջիև

Ադրբեջանին և Հայաստանին հաջողվել է աշխարհին զարմացնել դրական օրակարգով ։ Այս մասին նախօրեին ՝ դեկտեմբերի 19-ին, BBC World-ին տված հարցազրույցում հայտարարել է Ադրբեջանի նախագահի օգնական, աշխատակազմի արտաքին քաղաքականության հարցերով բաժնի ղեկավար Հիքմեթ Հաջիևը։
«Ռազմական հակամարտությունն ավարտվել է։ Ադրբեջանը վերականգնել է իր ինքնիշխանությունն ու տարածքային ամբողջականությունը ՝ վերջ դնելով 30-ամյա ռազմական օկուպացիային ։ 2020 թվականին 44-օրյա պատերազմի ավարտից հետո Ադրբեջանը հայտարարեց, որ պատրաստ է խաղաղության պայմանագիր կնքել Հայաստանի հետ։ Մեր երկիրն առաջարկել է խաղաղության համաձայնագրի հիմնարար սկզբունքներ և տեքստ։ Ներկայումս Հայաստանի և Ադրբեջանի միջև դիվանագիտական բանակցությունները շարունակվում են: Դրանք ուղղակի բանակցություններ են»,-ընդգծել է նա ։
Ադրբեջանցի բարձրաստիճան պաշտոնյայի խոսքով ՝ Բաքվին և Երևանին հաջողվել է աշխարհին զարմացնել դրական օրակարգով:
«Երկու երկրները դեկտեմբերի 7-ին Ադրբեջանի նախագահի վարչակազմի եւ Հայաստանի վարչապետի աշխատակազմի միջոցով համատեղ հայտարարություն են արել խաղաղության օրակարգը, ինչպես նաեւ վստահության ամրապնդմանն ուղղված միջոցառումները առաջ մղելու իրենց մտադրության մասին։ Վերջին երեք ամիսները կարելի է համարել հայ-ադրբեջանական հարաբերությունների պատմության ամենահանգիստ շրջանը երկու երկրների անկախացումից ի վեր: Չկա ոչ պատերազմ, ոչ վայրագություն, ոչ առճակատում, զինվորները վերադառնում են իրենց զորանոցները։ Հարաբերական խաղաղությունն ապահովված է, այժմ ժամանակն է այն վերածել երկարաժամկետ խաղաղության պայմանագրի, այդ թվում ՝ խաղաղության պայմանագրի ստորագրման ։ Ադրբեջանն աջակցում է տարածաշրջանում խաղաղության օրակարգին», - նշել է Հաջիևը ։
«Ադրբեջանը ուղղակի խաղաղ բանակցությունների կողմնակից է։ Մենք չենք հրաժարվում միջնորդական այլ ջանքերից կամ առաջարկվող դրական հասկացություններից, բայց գլխավորն այն է, որ Հայաստանն ու Ադրբեջանը խաղաղություն կնքեն։ Խաղաղության հասնելուց հետո ես հավատում եմ, որ մյուս երկրներն ու գործընկերները նույնպես կարող են աջակցել դրան»,-ամփոփել է Հաջիևը։

Լրահոս