Վրաստանի հաջորդ նախագահին ո՛չ ժողովուրդն է ընտրելու, ո՛չ խորհրդարանը

Դեկտեմբերի 14-ին Վրաստանում նոր նախագահ կընտրեն։ Սալոմե Զուրաբիշվիլուն փոխարինման եկող նախագահին առաջին անգամ կընտրի ոչ թե վրաց ժողովուրդը, այլ 300 անդամից բաղկացած ընտրական կոլեգիան՝ 150 պատգամավոր + 150 վարչատարածքային ներկայացուցիչ։

Ընտրական կոլեգիայի 300 անդամների ուղիղ կեսը խորհրդարանի 150 պատգամավորներն են։ Մյուս կեսը Վրաստանի վարչատարածքային բաժանումների ներկայացուցիչներ են՝ Աբխազիայի Ինքնավար Հանրապետության Գերագույն Խորհրդի 20 պատգամավոր, Աջարիայի Ինքնավար Հանրապետության 21 պատգամավոր եւ տեղական ինքնակառավարման մարմինների 109 անդամ։ Այն թեկնածուն, որը կարժանանա ընտրիչներից առնվազն 200-ի հավանությանը, կընտրվի պետության գլուխ։ Թեկնածուներից որեւէ մեկի կողմից բավարար թվով ձայներ չհավաքելու դեպքում, առավելագույն ձայներ ստացած երկու թեկնածուների միջեւ կանցկացվի ընտրության երկրորդ փուլ։ Այստեղ կհաղթի երկու թեկնածուներից առավելագույն ձայներ հավաքած թեկնածուն։

www.aravot.am

Լրահոս