Մենք Ադրբեջանի տարածքային ամբողջականությունը ճանաչել ենք, որպեսզի ինքներս ճանաչենք մեր երկրի տարածքային ամբողջականությունը. Նիկոլ Փաշինյան

Մի տարի է դաս են անում և ոչ միայն դպրոցի հետ կապված, այլ Կիրանցում ոչ մի միջադեպ չի եղել, հայտարարել է Նիկոլ Փաշինյանը մի խումբ քաղաքացիների հետ Կիրանց կատարած այցի ժամանակ:

«Այս պատը մեր անվտանգության ապահովման գործիքն է», - նշել է ՀՀ վարչապետը՝ ցույց տալով Հայաստան-Ադրբեջան տարածքը սահմանազատող Կիարանցի պատը:

Նա ընդգծել է, որ նախ` սահմանազատումից հետո ՀՀ և ադրբեջանի սահմանապահ ուժերը դուրս են եկել խրամատներից, 2-րդ փուլով հանել են սաղավարտները և զրահաբաճկոնները, և 3-րդ փուլով պայմանավորվել են, որ ինքնաձիգների վրա պահունակներ չպիտի դրվեն:

«Սա անվտանգության ապահովման մի լրացուցիչ կոնցեպտ է և խաղաղության օրակարգի մեր պատկերացումն է և ես հիմա այստեղ կանգնած եմ և մտավախություն չունեմ: Այս պատը կարող էինք չկառուցել, ուղղակի բնակչությունն այն ժամանակ սուր էր ընդունում, սուր էր ընկալում: Չնայած, սիմվոլիկ առումով, պատը շատ կարևոր է, որովհետև երբ ասում ենք ՀՀ տարածքային ամբողջականությունը ճանաչել, ես հիմա գիտեմ որտեղից է սկսվում և որտեղ է ավարտվում ՀՀ-ն: Եվ ես գիտեմ որ այս պատի մոտ իմ լիազորություններն ավարտվում են», - նշել է ՀՀ վարչապետը:

Նա ասել է, որ Ադրբեջանի տարածքային ամբողջականությունը ճանաչել ենք, բայց դա արել ենք, որպեսզի մենք ինքներս ճանաչենք մեր երկրի տարածքային ամբողջականությունը:

«Հիմա արդեն Ադրբեջանով դեպի Հայաստան երկաթուղով ապրանքներ են գալիս, շուտով ուրիշ ապրանքներ կգան, Հայաստանից կգնան: Կիրանցը խաղաղ գյուղ է: Կիրանցը սահմանազատումից հետո 50%-ով աճել է», - հավելել է ՀՀ վարչապետը:

www.tert.am

Лента