400-ից 500 հրթիռների մեծ մասը կարձակվի Իրանից

Իսրայելը պատրաստվում է Իրանի հետ մի քանի օրվա առճակատման, նա արդեն հայտնաբերել է ավելի քան 100 իրանական անօդաչու թռչող սարք. հայտնում է իսրայելական Kan ռադիոկայանը:
Լիբանանը հայտարարեց, որ մինչև առավոտ փակում է իր օդային տարածքը տարածաշրջանում տեղի ունեցող իրադարձությունների ֆոնին:
Իրանական Tasnim գործակալությունը հրապարակել է իրանական անօդաչու թռչող սարքերի լուսանկարը Քարբալայի երկնքում (Իրաք):
Իսրայելի վարչապետ Նեթանյահուն ռազմական ուժերի նիստ է անցկացրել Իրանի կողմից անօդաչու թռչող սարքի հարձակման ֆոնին, հայտնել են նրա գրասենյակից։
Իրանական Press TV հեռուստաալիքը հայտնում է, որ Իսրայելի հակաօդային պաշտպանության համակարգերը ենթարկվել են կիբերհարձակումների։
Հուսիները Եմենից մի քանի անօդաչու թռչող սարք են ուղարկել Իսրայելի ուղղությամբ:
Ջո Բայդենի վարչակազմը պատրաստվում է Իրանի կողմից  Իսրայելի վրա «խոշոր հարձակման» օպերացիային դիմագրավելու. NBC-ն՝ վկայակոչելով ԱՄՆ պաշտոնյաներին։
Մոտավորապես 400-ից 500 հրթիռներ կարձակվեն Իրաքից, Սիրիայից, հարավային Լիբանանից և այլ տարածքներից դեպի Իսրայել, բայց դրանց մեծ մասը կարձակվի Իրանից. ABC News-ին  հայտնել է  ԱՄՆ-ի բարձրաստիճան պաշտոնյան։
Իսրայելի հակաօդային պաշտպանության ուժերը սկսել են որսալ իրանական անօդաչու սարքերը Սիրիայի և Հորդանանի երկնքում, հայտնում է իսրայելական Channel 12 հեռուստաալիքը, գրում է Times of Israel-ը։
Դա հնարավոր է  դարձել  ԱՄՆ-ի և տարածաշրջանային դաշնակիցների կողմից ստեղծված «օդային հովանոցի» շնորհիվ։