20-05-2024 | 09:03
Տպագրվել է Հայաստանի Թեքեյան մշակութային միության 2023 թվականի օրացույցը։
Օրացույցում ներկայացված է տասներկու ստեղծագործություն՝ գեղանկար, քանդակ և քանդակ-լուսամփոփ։ Այդ աշխատանքները հեղինակել են Հայաստանի ժողովրդական նկարիչներ Լևոն Թոքմաջյանը, Փարավոն Միրզոյանը, Արամ Իսաբեկյանը, Անատոլի Ավետյանը, գեղանկարիչներ Կարեն Աղամյանը, Գևորգ Եղիազարյանը, Ֆաենբերգ Սարգսյանը, Արա Հակոբյանը, Սրապիոն Դանիելյանը, Վահագն Ջիվանյանը, Միքայել Հարությունյանը, քանդակագործ Աշոտ Բաղդասարյանը։ Այս ստեղծագործողների մեծ մասը նաև Հայաստանի թեքեյան մշակութային միության «Վահան Թեքեյան» մրցանակակիրներ են։
Հավելենք, որ իր գործունեության երեք տասնամյակների ընթացքում Հայաստանի Թեքեյան մշակութային միությունը հանդես է եկել օրացույց տպագրելու նախաձեռնությամբ՝ այդկերպ մշակութասեր հանրությանը ներկայացնելով ժամանակակից հայկական մշակույթն ու հայ ստեղծագործողին։
Օրացույցի էլեկտրոնային տարբերակին կարող եք ծանոթանալ ստորև։