«Արմատներ»․ ասեղնագործ իրերի ցուցադրություն

Կկայանա ասեղնագործության վարպետներ Ծովակ Գանթարճյանի, Հուրի Իփեքճյանի և Աիդա Սանթուրյանի՝ «Արմատներ» խորագրով ասեղնագործ աշխատանքների ցուցադրությունը։

Ասեղնագործության վարպետները, որոնք ստեղծագործում են արդեն 35 տարուց ավելի, տարիներ առաջ Հայաստան են եկել Սիրիայի տարբեր հայաշատ քաղաքներից՝ իրենց հետ բերելով Մարաշի,  Ուրֆայի, Վանի, Սվազի և այլ շրջանների ասեղնագործության ավանդույթները։ Հայաստան տեղափոխվելուց հետո նրանք կատարելագործել են ասեղնագործության հմտությունները՝ իրենց ստեղծագործություններում ավանդականը համադրելով նորաձևի հետ, որ  նոր սերունդը ընդունի և փոխանցի այն սերնդեսերունդ։

Կցուցադրվեն սփռոցներ, բարձերի ծածկոցներ, խաղալիքներ, պայուսակներ և դեկորատիվ-կիրառական այլ իրեր, որոնցում արտացոլված են հայկական ասեղնագործության նրբագեղ և յուրահատուկ կողմերը, դարերի պատմություն և նշանակություն ունեցող ասեղնակարերը։