Անահիտ Հովսեփյան

Ծնվել է 1964 թվականի ապրիլի 1-ին։ Սովորել է Երեւանի թիվ 172 միջնակարգ դպրոցում։ Միջին դասարաններում հաճախել է «Պիոներ կանչի»-խմբագրության «Շավիղ» լրագրողական դպրոցը:

1986 թվականին ավարտել է Երեւանի պետական համալսարանի բանասիրական ֆակուլտետը, թղթակցել հանրապետական մամուլին, առավելաբար՝ «Գարուն» ամսագրին, հրապարակել մի շարք հոդվածներ։ Աշխատել է Երեւանի թիվ 51 դպրոցում, այնուհետ՝ «Ազգ» օրաթերթում:

Մասնակցել է Գրողների միության կազմակերպած թարգմանության վարպետության դասընթացներին, ԱՄՆ դեսպանության լրագրողական տեխնիկայի սեմինարներին։ 1997 թվականից Գերմանիայում «Ազգ»-ի թղթակիցն է: Ռուսերեն, անգլերեն, գերմաներեն լեզուներով կատարել է բազմաթիվ թարգմանություններ:

2011 թ․ արժանացել է «Վահան Թեքեյան» մրցանակի՝ «Ազգ» oրաթերթում լավագույն հրապարակման համար: