Գրքի շնորհանդես՝ «Կինոռեժիսորի իմ հուշերն ու խոհերը»

Կկայանա կինոռեժիսոր Հրանտ Հակոբյանի՝ «Կինոռեժիսորի իմ հուշերն ու խոհերը» գրքի շնորհանդեսը․ կլինի նաև ֆիլմի դիտում։ Հրանտ Հակոբյանը 80-ականների հայկական խաղարկային կինոյում հայտնի էր որպես երկրորդ օղակի ստեղծագործող, ավելի ճիշտ՝ երկրորդ ռեժիսոր։ Գրքում նա վերարտադրել է իր ապրածը, տեսածն ու զգացածը, իր միջավայրի, կինոյում կատարված անդրադարձն ու պոռթկումը, քաղցրությունն ու դառնությունը։Հրանտ Հակոբյանի ֆիլմերից են՝ «Հավերժական թռիչք-Հրանտ Դինք», «Արցախ աշխարհ», «Ջիվան Գասպարյան», փաստագրական՝ «Փանոս Թերլեմեզյան», «Հանդիպում», «Մեր Արմենակը», վավերագրական՝ «Մեր սահմանը», «Մոռացված կղզիների բնակիչները»։