Մուտք / Գրանցում
Մենյու
06-05-2024 | 21:27
Այս պայքարը համայն հայության պայքարն է և մի օր կդառնա համահայկական շարժում
ՀԱՅԱՍՏԱՆԻ ԹԵՔԵՅԱՆ ՄՇԱԿՈՒԹԱՅԻՆ ՄԻՈՒԹՅՈՒՆ
01-06-2023 | 20:18
109
Հունիսի 1-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Հունգարիայի փոխվարչապետ Ժոլտ Շեմյենի գլխավորած պատվիրակությանը։
Այս մասին հայտնում են Մայր Աթոռի տեղեկատվական համակարգից:
Հանդիպմանը ներկա էին նաև Հունգարիայում Հայաստանի Հանրապետության արտակարգ և լիազոր դեսպան տիար Աշոտ Սմբատյանը և ՀՀ-ում Հունգարիայի արտակարգ և լիազոր դեսպան տիկին Աննա Մարիա Շիկոն։
Զրույցի ընթացքում անդրադառնալով Հայաստանի և Հունգարիայի միջև դիվանագիտական հարաբերությունների վերականգնմանը՝ Նորին Սրբությունը հույս հայտնեց, որ անհրաժեշտ քայլերը կձեռնարկվեն հայ-հունգարական կապերի և համագործակցության առավել արդյունավորման ուղղությամբ։
Ամենայն Հայոց Կաթողիկոսն ի դեմս փոխվարչապետի իր գնահատանքը հայտնեց Հունգարիայի իշխանություններին հայկական համայնքին ցուցաբերվող զորակցության, ինչպես նաև Մերձավոր Արևելքի երկրներում քրիստոնեական համայնքներին աջակցության համար։
Հանդիպմանը Հայոց Հովվապետն մտահոգությամբ անդրադարձ կատարեց Հայաստանի ինքնիշխան տարածքների և Արցախի ժողովրդի նկատմամբ Ադրբեջանի կողմից շարունակական ոտնձգություններին՝ կարևորելով տարածաշրջանում խաղաղության և կայունության հաստատմանն ուղղված՝ միջազգային կառույցների հետևողական քայլերի իրականացման անհրաժեշտությունը։ Նորին Սրբությունն այս կապակցությամբ իր երախտագիտությունը հայտնեց Հունգարիայի իշխաննություններին հինգ հայ ռազմագերիների հայրենադարձման հարցում ներդրած միջնորդական ջանքերի համար։
Իր հերթին փոխվարչապետ Ժոլտ Շեմյենը խոսեց հայ-հունգարական դիվանագիտական կապերի վերականգնման կարևորության մասին։ Փոխվարչապետը հավաստիացրեց Հայոց Հայրապետին, որ Հունգարիայի իշխանությունները շարունակելու են իրենց աջակցությունը Հունգարիայի հայ համայնքին և հայոց եկեղեցուն, ինչպես նաև
Մերձավոր Արևելքի երկրներում քրիստոնեական համայնքներին։ Պրն․ Շեմյենը Վեհափառ Հայրապետին նաև տեղեկացրեց, որ Հունգարիայում գործող հայկական եկեղեցին ստացել է պետական գրանցում։
Պրն․ Ժոլտ Շեմյենը կատարեց նաև մեկ այլ պարտականություն՝ Ամենայն Հայոց Հայրապետին հանձնելով Բուդապեշտի Կարոլի Գաշփար համալսարանի պատվավոր դոկտորի կոչումը։
Հանդիպմանը նաև խոսվեց միջեկեղեցական հարաբերությունների, ինչպես նաև Հունգարիայի հայ համայնքի կյանքի մասին։
Լրահոս
06-05-2024 | 21:27
06-05-2024 | 19:02
06-05-2024 | 18:59
06-05-2024 | 18:00
06-05-2024 | 17:56
06-05-2024 | 15:53
06-05-2024 | 15:41
06-05-2024 | 14:53
06-05-2024 | 14:38
06-05-2024 | 13:36
06-05-2024 | 12:28
06-05-2024 | 11:52
06-05-2024 | 11:44
06-05-2024 | 11:14
05-05-2024 | 19:15
Թեմը կոչ է անում ՀՀ իշխանություններին, որ հրաժարվեն միակողմանի զիջումներից և պարտվողական քաղաքականությունից` հեռու մնալով Տավուշում իրականացվող ապօրինի սահմանագծման և սահմանազատման գործընթացից:
Ինչպես հաղորդում է ադրբեջանական APA-ն, երկաթուղային կայարանում խաղաղապահների ավտոմեքենաները բեռնվում են վագոնների մեջ՝ Ռուսաստան փոխադրելու նպատակով։
Երկու պետությունների փորձագիտական խմբերի աշխատանքը շարունակվում է։
Ելնելով այդ սպառնալիքներից՝ հայտարարում ենք, որ չենք ներկայանալու Նիկոլ Փաշինյանի ասուլիսին և ուղիղ կերպով չենք տարածելու հայ ժողովրդի ու հայոց պետականության դեմ ուղղված նրա մտքերն ու տեսակետները:
Չափագրողները հասել են Խաչի յալ կոչված բարձունք, կիրանցիները սպասում են՝ գյուղի կամո՞ւրջն էլ է անցնելու Ադրբեջանին. փաստացի այս պահին սահմանազատում է տեղի ունենում։
Мирзоян особо подчеркнул, что после свержения режима "наступит время для тяжелого, но очень нужного разговора о том, почему этот человек проводил такую политику". По его словам, этот разговор необходим во избежание повторения подобных действий…
Եւ վերջապէս աւարտին, մեզի կը մնայ մտահոգութեամբ յիշեցնել Սրբազան հօր, թէ այն անձը, որուն դէմ ինք բոլորիս պայքարը կ՛առաջնորդէ այս պահուն, արիւնահեղութիւն խնայելով հրաժարական տուող «մերժուած» մեր նախկին Վարչապետը չէ…:
«Այսօր դեսպան Լիբբին իր կնոջ հետ այցելել է Ֆիզուլի և Շուշի քաղաքներ։ Ուղևորության ընթացքում դեսպանը նախատեսում է հանդիպել կառավարության ներկայացուցիչների հետ»,-նշված է հաղորդագրության մեջ։
06-05-2024
