Ադրբեջանը հնարավոր նոր հարձակման համար հող է պատրաստում՝ իբր Հայաստանը ռևանշի է գնում

Վերջին շրջանում հայ-ադրբեջանական պայմանական սահմանի տարբեր ուղղություններում նկատվում է կենդանի ուժի, զրահատեխնիկայի, հրետանային կայանքների, ինչպես նաև այլ ծանր հրաձգային զինատեսակների կենտրոնացում և Հայաստանի զինված ուժերի զորքերի ինտենսիվ տեղաշարժ. Հերթական զրպարտանքն ու կեղծ տեղեկատվությունն է վաղ առավոտից տարածել Ադրբեջանի ՊՆ-ը։

Ադրբեջանական APA-ն հաղորդել է իրենց ռազմական ղեկավարության հայտարարությունը՝ նշելով,  թե իբր վերջին օրերին Հայաստանում նկատվում է Ադրբեջանին պատերազմով սպառնացող ռեւանշիստական ​​ուժերի ակտիվացում։ Երկրի դեմ ագրեսիվ հռետորաբանությունը հասել է բարձր մակարդակի, ավելացել է ագրեսիվ տեղեկատվության ծավալը՝ ծառայեցնելով  իրավիճակի սրմանը  սադրանքի փորձերին նախապատրաստվելու համար։

«Մենք զգուշացնում ենք, որ հայկական զինված ուժերի կողմից Ադրբեջանի դեմ ռազմական սադրանքի ցանկացած փորձ վճռականորեն կճնշվի ադրբեջանական բանակի կողմից։

Եվս մեկ անգամ հայտարարում ենք, որ իրավիճակի սրման և ցանկացած հնարավոր սադրանքի  պատասխանատվությունն ամբողջությամբ ընկնելու է Հայաստանի և նրա հովանավորների վրա»,- նշված է Ադրբեջանի ՊՆ հայտարարության մեջ։

Ինչպեսև սպասելի էր, Ադրբեջանը հերթական սադրանքին ու հակահայ քարոզչությանն է դիմում։ Ձեռագիրը նույնն է։ Տավուշի 4 գյուղերի ու «անկլավների» խնդիրը լուծված չէ. թշնամին ամեն ինչ անելու է, ամեն քայլի դիմելու է, որպեսզի հնարավոր նոր  հարձակումը լեգիտիմացնի՝ պատճառաբանելով, թե իբր հայկական կողմն է նախապատրաստվել պատերազմի, իրենք էլ ստիպված նախահարձակ են եղել։

Արցախի օրինակով կարող են հայտարարել, թե իբր հակաահանեկչական գործողություն են իրականացրել։

Նշենք, որ Ադրբեջանը Հայաստանի հետ սահմանն անվանում է ՊԱՅՄԱՆԱԿԱՆ ՍԱՀՄԱՆ։ Այսինքն՝ ակնկալում է, որ Հայաստանից էլի տարածքներ է զավթելու, եղածը դեռ պաշտոնական սահման չէ։

Azg.am