Մուտք / Գրանցում
Մենյու
31-05-2023 | 14:09
Գրքի շնորհանդես և ֆիլմի դիտում՝ Թեքեյան միության նախաձեռնությամբ
ՀԱՅԱՍՏԱՆԻ ԹԵՔԵՅԱՆ ՄՇԱԿՈՒԹԱՅԻՆ ՄԻՈՒԹՅՈՒՆ
17-03-2023 | 11:38
128
Հայաստանի ազգային պատկերասրահում բացվեց Հայաստանի ժողովրդական նկարիչ, «Վահան Թեքեյան» մրցանակակիր Փարավոն Միրզոյանի անհատական ցուցահանդեսը։
Նկարչի հոբելյանական ցուցադրությանն արվեստասեր հանրությունը սպասել է շուրջ երեք տարի․այն հետաձգվել էր պատերազմի և համավարակի պատճառով։ Ցուցադրվեց վարպետի վերջին տասը տարվա շուրջ 100 աշխատանք՝ գեղանկարներ, գրաֆիկա, քանդակ։ Արվեստասեր հանրությանը ներկայացվեց նաև նկարչի աշխատանքների երկու նորատիպ կատալոգ։
Հայաստանի ազգային պատկերասրահի տնօրեն Մարինա Հակոբյանը կարևորեց «Հոբելյանական» խորագիրը կրող ցուցադրությունը հենց Ազգային պատկերասրահում կազմակերպելու գաղափարը․ նկարիչը պատկերասրահի երկարամյա ղեկավարն է եղել, իսկ ներկայիս աշխատակիցների մեծ մասն աշխատանքի է անցել Փարավոն Միրզոյանի՝ աշխատանքի ընդունելու խիստ քննությամբ։ Պատկերասրահի աշխատակիցների կարծիքով՝ ցուցադրության համադրումը նկարչի հետ համագործակցության յուրատեսակ հնարավորություն էր, նրանից սովորելու ևս մեկ առիթ։
Թեև ներկայացված աշխատանքների թեմատիկան տարբեր է՝ հայրենասիրություն, պատերազմ և այլն, սակայն վարպետի ստեղծագործությունների կենտրոնում եղել և մնում է կինը, որին մշտապես սիրահարված է նկարիչը․«Նկարիչը միշտ պետք է սիրահարված լինի, առանց դրա բարձր արվեստ չի ստեղծվի»,-նշում է Փարավոն Միրզոյանն ու հավելում՝ հոգսերի մեծ մասը կանանց ուսերին է, և տղամարդիկ պետք է շատ մեծ ուշադրություն դարձնեն կանանց, սիրեն, հարգեն և գնահատեն։
«Հրաշալի գեղանկարիչ է՝ շատ խորը և հուզական։ Վարպետորեն է մոտենում նույնիսկ ամենահամարձակ թեմաներին, որոնցում չկա գռեհիկություն, կա միայն բարձր արվեստ։ Երկար ստեղծագործեք, Ձեր բարձր արվեստի կարիքն ունենք»,-նշեց Նկարիչների միության նախագահ Սուրեն Սաֆարյանը։ Նա հպարտությամբ է նշում՝ Փարավոն Միրզոյանի սանն է եղել և կարևորում, որ վարպետը մինչ օրս սովորեցնում է երիտասարդ ստեղծագործողներին։
Փարավոն Միրզոյանը մշտապես ստեղծագործական բուռն ընթացքի մեջ է։ Թեև իրականության մեջ կատարվող երևույթներն արտացոլվում են նրա ստեղծագործություններում, սակայն ստեղծագործելն օգնում է հաղթահարել համատարած դեպրեսիան ու ստեղծել բարձր արվեստ։
«Ո՞ր արվեստագետն է ինքն իրենից գոհ․ամեն ինչ դեռ առջևում է»,-նշում է անվանի նկարիչն ու վստահեցնում՝ հաջորդ ցուցադրությանը կներկայացնի առաջիկա տասը տարիների աշխատանքները:
Հավելենք, որ Հայաստանի ժողովրական նկարիչ Փարավոն Միրզոյանի «Հոբելյանական» խորագրով ցուցադրությունն Ազգային պատկերասրահում բաց կլինի մինչև ապրիլի 10-ը։
Լրահոս
31-05-2023 | 14:09
06-05-2023 | 00:30
30-04-2023 | 15:01
24-04-2023 | 11:31
06-04-2023 | 14:30
02-04-2023 | 20:59
30-03-2023 | 19:48
28-03-2023 | 13:37
26-03-2023 | 21:14
26-03-2023 | 19:03
25-03-2023 | 20:33
22-03-2023 | 10:24
21-03-2023 | 14:31
18-03-2023 | 12:14
17-03-2023 | 11:38
Հայաստանի Թեքեյան մշակութային միության նախաձեռնությամբ կայացավ կինոռեժիսոր Հրանտ Հակոբյանի՝ «Կինոռեժիսորի իմ հուշերն ու խոհերը» գրքի շնորհանդեսը և «Մեր Արմենակը» վավերագրական ֆիլմի ցուցադրությունը։
39
«Դառնալով մշակութային եւ գիտակրթական հաստատություն, գրադարանը կարող է ծառայել ուսանողների, գիտնականների, մշակութաբանների, գրողների, լրագրողների եւ պարզապես շարքային ընթերցասերների ակադեմիական պահանջները բավարարելուն», — ընդգծեց Նարինե Խաչատուրյանը։
96
Երեկոյեան այս յուզումնալից շաբաթավերջին աւարտին ԹՄՄի, ՌԱԿի պատասխանատուներ եւ հիւրեր հաւաքուեցան Տիթրոյթի հայկական ճաշասրահին մը մէջ, ուր ընկերական մտերմիկ շրջանակի մը ծիրէն ներս կատարուեցան յուզիչ յիշատակներով համեմուած եւ ջերմ գործակցութեան խոստումներով սրտի խօսքեր, ի փառս մեր զոյգ կազմակերպութիւններուն:
38
Ժամանակը կապացուցի, որ Երվանդ Ազատյանն ու Հայրենիքը մշտապես ընդելուզված ու մեկ ամբողջություն են եղել։ Նա մինչև վերջին շունչն էլ ստեղծագործ արարումի պարգևն է կրել և արթուն գիտակցությամբ հրաժեշտ տվել իր մտերիմներին, իրենով հարստացած, իրենով մի նոր համ ու գույն ստացած աշխարհին։
137
Հայաստանի Թեքեյան մշակութային միության նախաձեռնությամբ բացվեց «Մետաքսե գարուն» խորագրով բատիկ աշխատանքների ցուցահանդես։
204
The Armenian Genocide Research Program (AGRP) was established within the Promise Armenian Institute at UCLA in early 2022. Led by Taner Akçam, the AGRP engages in research and scholarly activities pertaining to the study of the Armenian genocide in the Ottoman Empire during the early 20th century.
54
Ի՜նչ զարմանալի զուգադիպութիւն: Արդեօ՞ք զարմանալի…: Մինչ ընկեր Ազատեան իր 88 տարեկան հասակին լքած է մեր աշխարհն ու անցած ոգեղինանան աշխարհ, դառնալով «Յաւերժի ճամբորդ», ես կը կարդամ ընդամէնը 19 տարեկան պատանի իր տարիքին գրած՝ ՅԱՒԵՐԺՈՒԹԻՒՆ վերնագրած բանաստեղծութիւնը, որ կ՛արտացոլացնէ իր անփոփոխ նկարագիրը ու կանխաւ կ՛ամփոփէ իր յետագային անցնելիք հաստատակամ ճանապարհը:
54
Երվանդ Ազատյանն ամուր թելերով կապված էր Հայաստանի Թեքեյան մշակութային միության հետ․ մինչ օրս նա իր անմիջական մասնակցությամբ պատվում էր «Վահան Թեքեյան» ամենամյա մրցանակաբաշխության եզրափակիչ ձեռնարկը, աջակցում հայապահպան մի շարք ծրագրերին։
155
31-05-2023
