Փարավոն Միրզոյան

1975 թվականին ավարտել է Լենինգրադի Իլյա Ռեպինի անվան գեղարվեստի ակադեմիան։ Նույն թվականից մասնակցել է հանրապետական, համամիութենական, միջազգային ցուցահանդեսների։

1975 թվականից դասավանդում է Երևանի գեղարվեստի ակադեմիայում, 1995 թվականից՝ Գեղանկարի և կոմպոզիցիայի ամբիոնի պրոֆեսոր (ՌԴ)։

1976 թվականից Հայաստանի նկարիչների միության անդամ է, 1977-1979 թթ. ԽՍՀՄ նկարիչների միության թոշակառու։

1989 թվականից ղեկավարում է Երևանի Գեղարվեստի պետական ակադեմիայի ստեղծագործական արվեստանոցը։

1989-2002 թթ.՝ Երևանի գեղարվեստի պետական ակադեմիայի գեղանկարի և կոմպոզիցիայի ամբիոնի վարիչ։

2002- 2015 թթ․ եղել է Հայաստանի ազգային պատկերասրահի տնօրեն։

2006 թվականից Սանկտ Պետերբուրգի գիտությունների և արվեստի Պիոտրովսկի ակադեմիայի անդամ

Փարավոն Միրզոյանի աշխատանքները գտնվում են ՀՀ, ՌԴ, Ուկրաինայի ԱՄՆ-ի, Ֆրանսիայի, Հնդկաստանի, Սիրիայի, Իսպանիայի թանգարաններում և մասնավոր հավաքածուներում։ Ունեցել է բազմաթիվ անհատական ցուցահանդեսներ Հայաստանում և աշխարհի տարբեր երկրներում։ Արժանացել է մի շարք պարգևների։

2015 թվականին արժանացել է Հայաստանի Թեքեյան մշակութային միության «Վահան Թեքեյան» մրցանակի՝ «Պատարագ» գեղանկարի համար։