ՀԹՄՄ շնորհավորանքը՝ Համազգային հայ կրթական և մշակութային միության 95-ամյակի առթիվ

«Շնորհավորում ենք աշխարհի բազմաթիվ երկրներում իր գործով և անվամբ նշանակալի կառույցի՝ Համազգային հայ կրթական և մշակութային միության 95-ամյակի առթիվ։ 
     Տասնամյակներ շարունակ Համազգայինը ջանք չի խնայել իրագործելու ազգապահպան առաքելությանն ուղղված ծրագրեր։
Ներկայումս, երբ փորձ է արվում խեղաթյուրել ազգային արժեքները, կրթությունը, մշակույթն ու ավանդույթները, առավել ևս կարևորվում է Միության գործունեությունը։ Տարիների իմաստնությունն ունեցող կառույցն առաջ է ընթանում և դիմադրում ազգայինն աղավաղելուն ուղղված փորձերին՝ նպատակ հետապնդելով հային հայ պահել։ Միությունը հաստատուն քայլերով ընթանում է դեպի մեկդարյա հոբելյան, որը նշանավորվում է  նոր ձեռքբերումներով, ազգապահպան ձեռնարկներով ու մղումներով՝ ի շահ հայ ժողովրդի, ի շահ մայր հայրենիքի։ 

Միությունը միշտ հավատարիմ է մնացել Մայր կառույցի հիմնադիրներ Լևոն Շանթի, Համո Օհանջանյանի, Նիկոլ Աղբալյանի և մյուս երևելիների սկզբունքներին, որոնցում գերական  հայրենիքն ու ազգային են։ 

Մաղթում ենք Ձեզ տոկունություն և երկարակեցություն։ Պահպանեք պատմականորեն վստահված անունը»։ 

Հայաստանի Թեքեյան մշակութային միության կենտրոնական վարչություն

Նախագահ՝ Ռուբեն Միրզախանյան