Ֆիլմի դիտում՝ «Ձնհալն արվեստում»

Թեքեյան մշակութային միությունը և Մանկավարժական համալսարանի Լրատվության և հանրության հետ կապերի վարչությունը համատեղ ստեղծել են «Ձնհալն արվեստում» տեսաֆիլմ։ Ֆիլմի հեղինակը Դիանա Մարկոսյանն է, ռեժիսորը՝ Արտյոմ Աղասարյանը, օպատորը՝ Հրայր Սիրականյանը, մոնտաժող՝ Արթուր Փարսյան։

Ֆիլմն ուղարկվել է մրցույթի, սակայն մինչ պարզ կլինեն արդյունքները, հայ հանդիսատեսն այն դիտեց Թեքեյան մշակութային միությունում կազմակերպված ցուցադրության ընթացքում։
«Ճանապարհ դեպի արենա», «Նռան գույնը», «Բարև, ես եմ», «Մենք ենք, մեր սարերը», «Եռանկյունի», «Առաջին սիրո երգը» ֆիլմերի միջոցով ստեղծագործական խումբը դիտողին տեղափոխում է անցյալ, վերադարձնում այն ժամանակը, որ ստեղծեց հզոր անհատներ, պարգևեց մնայուն արժեքենր․ այդ նույն ժամանակ մարդն ազատ էր։ Այդ ժամանակը բնութագրվեց իբրև ձնհալ, ձնհալ արվեստում։ Ֆիլմում 60-ականների կինոն ներկայացվում է իբրև ռեժիսորների, դերասանների, օպերատորների, սցենարիստների, նկարիչների ու երաժիշտների ոսկե սերնդի համախումբ։

Հանդիսատեսի շարքերում քիչ չեն 60-ականների ժամանակակիցները․ միակարծիք են՝ տեսաֆիլմը յուրահատուկ մոտեցմամբ հիշեցրեց այն տասնամյակը, որն իսկապես ստեղծեց մնայուն արժեքներ։ Իսկ երիտասարդ սերնդի համար ֆիլմն ավելի շատ ճանաչողական է․ ժամանակի հերոսը ֆիզիկոս գիտնականն էր («Բարև, ես եմ»)։

33 րոպեում ֆիլմի ստեղծողները համադրել են փաստերն ու ժամակակիցների՝ պատմաբան Ռուբեն Միրզախանյանի, արվեստաբան Դավիթ Մուրադյանի և կոմպոզիտոր Մարտին Վարդազարյանի վերլուծությունները։
Թեքեյան մշակութային միության նախագահ, պատմական գիտությունների դոկտոր Ռուբեն Միրզախանյանը, խոսելով 60-ականների մասին, ընդգծեց՝ փաստ է, որ այդ ժամանակ մարդիկ տարեցտարի ավելի լավ էին ապրում, և հենց այդ ժամանակ էր միայն հնարավոր վերականգնել արվեստի այնպիսի ճյուղ, որը կինոն է։ « Դա այն ժամանակներ էր, երբ նույնիսկ միմյանցից տարբեր մարդկանց միավորում էր մեկ ընդհանուր գիծ՝ լուսավոր ապագայի հանդեպ հավատը»։
Ֆիլմի հեղինակ Դիանա Մարկոսյանն էլ հավելեց՝ «Ձնհալն արվեստում» ֆիլմը ռեժիսոր Արտյոմ Աղասարյանի առաջին քայլն է այս ժանրում։ Խոստովանում է՝ դժվար է խոսել մի ժամանակի մասին, որն ամենաշռայլը եղավ արվեստում՝ ստեղծելով ժամանակի մարդուն բնութագրող աշխատանքներ։

Լրահոս

Տեսնել ավելին

Նմանատիպ լուրեր

Եվրոպական երկրների ղեկավարները մեծացնում են լարվածությունն Ուկրաինայի շուրջ. Պեսկով

Միջազգային լուրեր

12-05-2024

Եվրոպական երկրների ղեկավարները մեծացնում են լարվածությունն Ուկրաինայի շուրջ. Պեսկով

«Եվրոպացիները պատրաստվում են վա-բանկ գնալ: Նրանք տեսնում են, որ իրավիճակն արագորեն փոխվում է, և դա հղի է ուկրաինացիների համար լիակատար կործանմամբ, ուստի իրենք էլ օգտագործում են այս իրավիճակը», - ասել է Դմիտրի Պեսկովը «Մոսկվա. Կրեմլ.Պուտին» ծրագրի համար, երբ իրեն խնդրել են մեկնաբանել Ֆրանսիայի նախագահ Էմանուել Մակրոնի «ռազմական հայտարարությունները»:

Մանրամասն

Դիմում եմ Սփյուռքին. համախմբվեք, այս շարժումը դարձրեք համազգային

Լուրեր

11-05-2024

«Միայն 2023 թվականի վերջին ամիսներին Ցեղասպանության կանխարգելման հարցերով ՄԱԿ-ի հատուկ խորհրդական Ալիս Վայրիմու Նդերիտուն աշխարհին նախազգուշացրեց վեց տարբեր իրավիճակների մասին, երբ էթնիկ խմբերի ցեղասպանության վտանգ կա: Նախազգուշացման մեջ հիշատակվում է նաև Լեռնային Ղարաբաղի ժողովուրդը։

Մանրամասն